Париж "Мастерс". Жокович 1,5 ойдан сўнг ғалаба билан қайтди

Дунёнинг биринчи ракеткаси Новак Жокович мусобақадаги иштирокини ғалаба билан бошлаб олди. Сербиялик теннисчи иккинчи даврада аргентиналик Томас Мартин Этчеверрини 6/3, 6/2 ҳисобида мағлубиятга учратди. Бу теннисчиларнинг ўзаро иккинчи учрашуви эди - 2:0.

Саксон тўрт дақиқа давом этган баҳсда Жокович 6, Этчеверри 5 та эйс зарбасини амалга оширган. Новак 3 та брейк қайд этиб, худди шунча қўшхатога йўл қўйди. Жокович бир ярим ойлик танаффусдан сўнг кортга қайтиб, Rolex Paris Masters турниридаги иштирокини ғалаба билан бошлади. Энди у нидерландиялик Таллон Грикспурга қарши кортга чиқади.