04 ноя 12:06
Янгиликлар

Теннис

Париж "Мастерс". Медведев чемпионлик ҳимоясига киришди

Франция пойтахти Париж шаҳрида теннис бўйича "Мастерс" сериясига кирувчи нуфузли турнир бўлиб ўтмоқда.

Мусобақанинг амалдаги чемпиони Даниил Медведев ўз иштирокини тўғридан-тўғри иккинчи даврадан бошлади. Россиялик теннис устаси 1 соату 31 дақиқа давом этган учрашувда беларуслик Илья Ивашкони мағлубиятга учратди - 7/5, 6/4.

Дунёнинг иккинчи ракеткаси бўлиб турган 25 ёшли Даниил баҳс давомида 3 та, ATP рейтингида 46-поғонадан жой олган 27 яшар Ивашко ҳам 3 та эйс зарбасини амалга оширди. Теннисчиларнинг ўзаро учрашувларида Медведев фарқни оширди - 4:1.

Энди Даниил Rolex Paris Masters турнирининг учинчи босқичида америкалик Себастьян Кордага қарши кортга чиқади.