Парижда Президент соврини учун 30 000 евро мукофот жамғармасига эга турнир ўтказилади

Мусобақа Европа кураш конфедерацияси, Франция кураш федерацияси ва Ўзбекистон кураш федерациялари билан ҳамкорликда ташкил этилмоқда. Ўтган йили Олимпия ўйинларига мезбонлик қилган Париж бу сафар кураш юлдузларини ўз сафига тўплайди. 

Ҳар йили ананавий тарзда ўтказилиб келинаётган ушбу очиқ халқаро турнирда эркаклар -90 кг, +90 кг; аёллар эса -70 кг, +70 кг вазн тоифаларида ўзаро беллашадилар. Халқаро турнир Париж шаҳрининг “Emil Anthoine Stadium” спорт мажмуасида бўлиб ўтади.

Ўзбекистон Республикаси Президенти соврини учун ўтказилаётган мусобақанинг мукофот жамғармаси 30 000 еврони ташкил қилади ва ўринлар миқёсида Халқаро кураш ассоциацияси рейтинг тизимида балл берилади.