Пауло Коста: "Анкалаев чемпионлик жангидан кўра UFC`дан ҳайдалишга яқинроқ"

"Баъзилар мен Иржи ёки Анкалаев билан жанг қилишим кераклигини айтмоқда. Иржи Прохазка яқинда аҳмоқона мағлубиятга учради, Анкалаев эса навбатдаги ниҳоятда зерикарли жангидан сўнг, чемпионлик жангига эмас, балки UFC`дан ҳайдалишга яқинроқ турибди", — деб ёзди бразилиялик жангчи ижтимоий тармоқлардаги саҳифасида.

Гусковни мағлуб этгач, Анкалаев навбатдаги жангини 24 октябрь куни Абу-Дабида ташкил этилиши расман эълон қилинган UFC 333 турнирида ўтказишни исташини маълум қилганди.

Аввалроқ интернетда Пауло Коста Азамат Мурзаканов устидан муддатидан аввал қозонилган ғалабадан сўнг ярим оғир вазн тоифаси кучли ўнлигига киргани ва Иржи Прохазка билан биргаликда вақтинчалик чемпионлик камари учун жанг қилиши мумкинлиги ҳақида хабарлар тарқалган эди.

Дивизионнинг амалдаги чемпиони Карлос Ульберг айни дамда Прохазкага қарши чемпионлик жангида олган тизза жароҳатидан тикланмоқда ва келаси йилнинг бошида октагонга қайтишни режалаштирмоқда.