Пэдди Пимблетт: "Мен Исламга бош оғриғи бўлардим"

Пэдди Пимблеттнинг фикрича, у UFC 280 турнирида Чарльз Оливейранинг ўрнида бўлганида, Ислам Махачевга қарши ёрқинроқ жанг намойиш этар эди. 

"Очиғи, ўша куни кўпчилик қатори мен ҳам Чарльзнинг ғалабасига "ставка" қилгандим. Бунга етарлича асосларим бор эди. Оливейра фаолияти давомида Исламга қараганда номдор ва кучлироқ рақиблар билан жанг қилган. Шундай бўлса-да, Махачевга ҳурматимни сақлаб қолгандим. Жангда эса умуман бошқа сценарийга гувоҳ бўлдик. Ишонинг, мен Оливейранинг ўрнида бўлганимда ёрқинроқ жанг намойиш этардим. У ҳеч нарса қила олмади", - деди Пэдди UFC 282 турнири олдидан ўтказилган сўнгги матбуот анжуманида. 

UFC "қафаси"да кетма-кет 3 та нокаутли ғалабага эришган Пэдди Пимблетт якшанба тонгида Лас-Вегасдаги UFC 282 турнирида америкалик Жаред Гордонга қарши октагонга кўтарилади.