20 фев 08:59
Янгиликлар

Олимпия ўйинлари, Қишки спорт турлари

Пекин-2022. Аёллар ўртасидаги кёрлинг мусобақасида ғолиб аниқланди + ФОТО

Хитой мезбонлигида ўтаётган 24-Қишки олимпия ўйинлари сўнгги кунининг иккинчи медаллар жамланмаси ўз эгаларини топди.

Аёллар ўртасидаги кёрлинг мусобқасида кутилганидек, Буюк Британия терма жамоаси Олимпиада чемпиони бўлди. Ив Мюрхед, Вики Райт, Женнифер Доддс, Хейли Дафф, Майли Смитдан иборат инглизлар ҳал қилувчи финал учрашувида Япония (Сацуки Фудзисава, Тинами Ёсида, Юми Судзуки, Юрика Ёсида, Котоми Исидзаки) терма жамоасидан 10:3 (2:0, 0:1, 0:0, 1:0, 1:0, 0:1, 4:0, 0:1, 2:0) ҳисобида устун келишди.

Эслатиб ўтамиз, аввалроқ Олимпиаданинг бронза медали учун кечган баҳсда Швеция терма жамоаси Швейцарияни 9:7 (1:0, 0:1, 0:0, 2:0, 0:1, 3:0, 0:2, 2:0, 0:3, 1:0) ҳисобида таслим этган эди. Россия кёрлинг жамоаси Олимпиадада барча учрашувларда мағлубиятга учраб, сўнгги ўринни эгаллади.