Пекин-2022 қишки Олимпия ўйинларининг пиктограммалари эълон қилинди

Ташкилотчиларнинг фикрига кўра, пиктограммаларининг чиқарилиши Пекин-2022 қишки Олимпия ва Паралимпия ўйинларига тайёргарлик олиб борилган 2020 йилга ажойиб якун ясади.

Хитойнинг анъанавий босма гравюрасидан илҳомланган 24та пиктограммалар 7та қишки Олимпия спорт турларининг ҳар бирини намойиш этади. Шу билан бирга, фристайл ва сноубордда мос равишда олтита ва бешта кўкрак нишони белгиланади.

“Анъанавий гравюравий муҳрларнинг бадиий шаклига асосланиб, ҳар бир пиктограмма Цин ва Хан сулолалари даврига хос бадиий формаларни ифодалайди. Пиктограммалар қишки спорт турлари ҳаракати ва замонавий графикада Хитойнинг бой маданиятини акс эттиради. Қизил ва оқ фонлардаги ҳаракатлар ўртасидаги кескин фарқ, шунингдек, қишки спорт турларининг нафислиги ва фаоллигини таъкидлаш қатори ўйинларга байрамона муҳитни қўшади. Бу Хитойнинг 2022 йилги янги Ой йили билан ҳамоҳанг”, – дейди ташкилотчилар.