16 дек 14:22
Янгиликлар

Бокс/ММА

Петр Ян нима сабабдан Конор энг яхшиси эканини тан олишини айтди

Россиялик жангчи Петр Ян UFC собиқ чемпиони Конор Макгрегорни энг яхши боксчи деб ҳисоблаши сабабини айтди.

"Конор ўзини UFC'даги энг яхши боксчи эканини айтди. Унинг фикрига қўшиламан, у Флойд Мейвезер билан бокс қоидалари асосида жанг ўтказди, бу ҳам яхши натижа. Бокс рингида жанг қилиш учун унинг ташқи тузилиши, замонавий зарбалари жуда мос", - деди Петр Ян.

Эслатиб ўтамиз, Петр Ян ҳамда Конор Макгрегор "IBA чемпионлари кечаси"да кўришиб қолишган ва унда томонлар ўзаро кўз уриштириб ҳам олишганди.

Маълумот учун, Петр Ян ўзининг сўнгги жангини 11 март куни ўтказган ва ўшанда Мераб Двалишвилига очколар ҳисобига кўра мағлуб бўлганди.

Макгрегор эса сўнгги бор 2021 йилнинг 11 июлида октагонда кўриниш берган ва Дастин Порьедан енгилганди.