18 янв 10:32
Янгиликлар

Теннис

Петра Квитова Australian Open билан хайрлашди

Австралиянинг Мельбурн шаҳрида мавсумнинг илк "Катта Дубулға" турнири давом этмоқда.

Кутилмаганда аёллар ўртасидаги мусобақада дунёнинг 19-ракеткаси Петра Квитова илк даврадаёқ мағлубият аламини тотиб кўрди. Чехиялик теннис маликаси WTA рейтингида 38-поғонадан жой олган руминиялик Сорана Кирстяга 2/6, 2/6 ҳисобида имкониятни бой бериб қўйди.

Бир соату 11 дақиқа давом этган баҳсда 31 ёшли Квитова битта эйс зарбани ижро этди ва 6 та қўшхатога йўл қўйди. Унинг тенгдоши эса 2 та эйс, 4 та брейк-пойнтни амалга оширди. Теннисчиларнинг ўзаро учрашувларида Кирстя ҳисобни қисқартирди - 3:5.

Соранининг Австралия Очиқ чемпионати иккинчи даврасидаги рақибаси словакиялик Кристина Куцова бўлади. У илк босқичда япониялик Мисаки Доини мағлуб эта олди - 6/3, 7/5.