Пейж Ванзант нима учун UFC'га қайтмаслигини айтди

"Мен карьерамни эртароқ тугатиб, молиявий томонлама озод бўлишим мумкин эди. Болаларим эса молиявий эркинликка жуда яқин бўларди. Мен ўзим учун ном қозониш бахтига муяссар бўлдим. UFC'да кўп меҳнат қилганимни биламан. UFC билан шартномам тугагач, мен у ердан кетдим. Хайриятки, BKFC билан шартнома имзоладим. Улар таклиф этган шартнома ажойиб. Бу менга кўп эшикларни очди.

Албатта, мен UFC'ни яхши кўраман. Уларнинг бунчалик муваффақият қозонишининг сабаби бор. Буни ўзлари ҳам жуда яхши биладилар.

Аммо, улар менга етарлича пул тўламаган. Бошқа улар учун жанг қилмайман. UFC'га қайтиш учун ҳеч қандай сабаб кўрмаяпман. Менга омад кулиб боқди. Ўзимни маълум даражага олиб чиқдим", - дея Пейж Ван Зант сўзларидан иқтибос келтиради ММА Fighting.

У 2020 йил 11 июль куни UFC 251 мусобақасида Аманда Рибасга (11-2) мағлуб бўлганидан сўнг ташкилотни тарк этганди.

Эслатиб ўтамиз, спортчи хозирда BKFC промоушени билан шартнома имзолаган.