08 апр 11:24
Янгиликлар

Бокс/ММА

PFL 2 турнири собиқ UFC спортчиси иштирокидаги асосий жангини йўқотди

Келаётган якшанба тонгида АҚШнинг Орландо шаҳрида PFL 2 турнири бўлиб ўтади.

Турнирга беш кун қолган бир пайтда оқшомнинг асосий жанги бекор қилинди. Собиқ UFC жангчиси Таила Сантос Гран-прининг 1/4 финал жангида Жулиана Веласкесга қарши октагонга чиқиши керак эди. Лекин номаълум сабабларга кўра Таила бу жангда қатнаша олмайдиган бўлди.

Ташкилотчилар бразилиялик аралаш яккакураш устасининг ўрнини Екатерина Шакалова эгаллайди. PFL 2 турнирининг асосий жанги ўта енгил вазн тоифасида Леандро Иго ва Жош Реттингхауз ўртасида ўтказиладиган бўлди. Шакалованинг рақибаси Сара Орозконинг тақдири ҳозирча номаълум. Унга бошқа рақиба бериладими ёки карддан ечиладими, ҳозир бу мавҳум бўлиб турибди.