PFL Остин турнирининг асосий жанги эълон қилинди, у реванш мақомида бўлади + ПОСТЕР

Промоушен раҳбарлари томонидан ушбу оқшомнинг асосий жанги расман тасдиқланди. У реванш мақомида бўлади. Ўрта вазн тоифаси вакиллари Костелло ван Стинис ва Жонни Эблин ўзаро октагонни иккига бўлишади. Жанг ўрта вазн тоифасидаги чемпионлик камари учун кечади.

Собиқ Bellator чемпиони Жонни Эблин ўтган йили июль ойидаги шов-шувли мағлубиятига қадар 17 та ғалабали серия билан келган. Ўшанда у сўнгги бешинчи раунд тугашига тўққиз сония қолганида Костелло ван Стинисга ютқазиб қўйганди. Стинис Эблинни ортдан бўғиб қўйган эди. 

Шу йилнинг март ойида испаниялик аралаш яккакураш устаси учинчи раундда Фабиан Эдвардсни нокаутга учратиб, чемпионлик камарини муваффақиятли ҳимоя қилган бўлса, америкалик жангчи орадан бир ҳафта ўтиб, ҳамюрти Брайан Баттлни биринчи раунддаёқ таслим этган ва фаолиятини муваффақиятли йўлга қайтарганди.