Порье Макгрегор билан жанг шартини айтди

"Конор билан бизнинг тарихимиз бор. Мен уни енгил вазнда мағлубиятга учратдим, етти йилдан кейин мен яна икки маротаба уни мағлуб этдим. Ишончим комилки, Конор билан бошқа жанг қилмайман. Ортиқ буни истамайман. Бу эшик мен учун ёпилган", - америкалик жангчининг сўзларини келтиради ММА Fighting.

Бироқ, "Бриллиант"нинг таъкидлашича, катта миқдордаги гонорар унинг бу борадаги фикрини ўзгартириши мумкин.

"Буни фақатгина пул учун қилишим мумкин. Мен уни кетма-кет икки марта ютдим. Буни янада яхшироқ қила оламанми?  Мен уни тезроқ нокаут қила оламанми ёки 10-7 ҳисобида ғалаба қозона оламанми?  Агар, мен яна шундай қилсам, бу фақат пул учун бўлади. Ва бутунлай бошқача бўлади”.

Эслатиб ўтамиз, ўтган йили Дастин Порье Конор Макгрегор устидан икки марта ғалаба қозонган эди: январь ойида ирландияликни иккинчи раундда нокаутга учратган ва июнь ойида бўлиб ўтган жангда техник нокаут билан ғалаба қозонган эди. Шундан сўнг, "Бриллиант" UFC енгил вазн тоифасида чемпионлик камарини Чарлз Оливейрадан олишга уринди ва учинчи раундда бразилиялик жангчига имкониятни бериб қўйди.