Порье Махачевга "ответ" қилди: "Бу спортга сендан кўра кўпроқ фойдам теккан"

Аввалроқ Махачев кейинги рақиби сифатида гарчи шунга муносиб бўлмаса-да, айнан Дастин Порьени кўриш истагида эканини маълум қилганди. 

"Бу фақат унинг фикри. Мен бу иш билан анчадан бери шуғулланаман. Исламга қараганда бизнинг спорт учун кўпроқ фойдам тегди. Бугунги кунда жам шу ишимни давом эттиряпман. Ҳозир ҳам ўз вазнимдаги дунёнинг исталган жангчисини мағлуб эта оламан. Умид қиламанки, кейингиси Ислам бўлади. Бу мен юз фоиз хоҳлаётган нарса. Мен амалга оширмаган битта иш қолди - чемпионлик! Фаолиятимда 30 маротаба октагонга кирдим. Оиламни молиявий томонлама таъминлаб қўйдим. Ўз бизнесимни йўлга қўйдим. Чемпион бўлсам, армоним қолмасди", - дея USA TODAY Sports нашрига интервью берган "Бриллиант" .  

Икки ҳафта аввал Дастин Порье иккинчи раундда франциялик иқтидор эгаси Бенуа Сен-Денини нокаутга учратган эди. Бенуа Дастин билан жангга қадар бешта нокаутли ғалаба билан келаётганди.