Порье Оливейранинг ҳолати бўйича UFC`га таклиф киритди

Америкалик жангчи вазн чемпиони Чарльз Оливейранинг вазн ҳайдаш ҳамда тарози билан боғлиқ ҳолатига норозилик билдирган. Жастин Гэтжига қарши чемпионлик жанги олдидан бразилиялик белгиланган вазнни қила олмай, камаридан маҳрум бўлган эди. Порьенинг сўзларига кўра UFC аллақачон вазн ўлчаш маросимида электрон тарозилар хизматидан фойдаланиши керак. 

"Биз электрон тарозиларга ўтишимиз лозим. Шундагина Оливейра билан боғлиқ ҳолатларни четлаб ўтган бўламиз. Электрон тарози жангчининг граммигача аниқ вазнни кўрсатиб беради. Жангчи қайд этган вазн экранда кўрсатилиши керак. Ҳамма кўрсин. Классик вазнлар хизматидан аллақачон воз кечиш керак эди", — дея Порьенинг сўзларини келтирмоқда The Fight.