01 ноя 16:22
Янгиликлар

Бокс/ММА

Поветкин - Хантер жанги Руис - Жошуа реваншининг андеркард жанги сифатида тасдиқланди

Супероғир вазн тоифасида учта йўналиш чемпиони бўлиб турган мексикалик Энди Руис ҳамда собиқ жаҳон чемпиони Энтони Жошуа ўртасидаги бокс оқшомининг андеркард жанги расман тасдиқланди.

Хабарингиз бор, Энтони Жошуа - Энди Руис реванш жанги 7 декабрь куни Саудия Арабистонида бўлиб ўтади. Ушбу катта бокс оқшомининг бош андеркард жанги ҳам супероғир вазнда ташкил этилади.

Унда америкалик Майкл Хантер собиқ жаҳон чемпиони, россиялик Александр Поветкинга қарши рингга кўтарилади. Саудиядаги бокс кечасида шунингдек, Филип Хргович - Эрик Молина ҳамда Скотт Квигг - Жоно Кэрролл жанглари ҳам ташкил этилади.