04 окт 11:05
Янгиликлар
Дзюдо
Пойтахтимиз яна бир нуфузли мусобақага мезбонлик қилади
6-8 октябрь кунлари пойтахтимиздаги муҳташам “Ўзбекистон” спорт мажмуасида дзюдо бўйича Гран-При туркумига кирувчи турнир бўлиб ўтади.
Ушбу нуфузли мусобақа Тошкент шаҳрида тўртинчи маротаба ташкил этилмоқда. Бу галги Гран-При турнирида 15 мамлакатдан 140 нафар дзюдочи 7та вазн тоифасида медаллар учун татамига чиқади.
Мезбон сифатида Ўзбекистон терма жамоаси ҳар бир вазн тоифасида 4 нафардан спортчи билан иштирок этиши мумкин. Бизга хабар беришларича, Тошкент Гран-Присида 56 нафар дзюдочимиз юртимиз спорт шарафини ҳимоя қилади.
Мусобақанинг биринчи куни, яъни 6 октябрда эркаклар -60 ва -66, аёллар эса -48, -52 ҳамда -57 кг вазн тоифаларида баҳсларга киришишади. Шу куннинг ўзида ушбу вазнларда ғолиб ва совриндорлар аниқланади.
Ҳавола :
Манба : olamsport.com
Фикрлар