Пойтахтимизда қиличбозлик бўйича мамлакат чемпионати қизғин давом этмоқда

Регламентга кўра, даставвал сабля ҳамда шпага йўналишида ғолиб ва совриндорлар аниқлаб олинмоқда.

Кутилганидек, сабля йўналишида Токио-2020 лицензиатлари Зайнаб Дайибекова ҳамда Шерзод Мамутов тенгсиз эканликларини яна бир карра намойиш қилишди. Жамоавий йўналишда эркаклар ўртасида Тошкент, аёллардан қорақалпоқ қизлари олтин медалларга эга чиқишди.

Кеча шпага қуролида яккалик баҳслари якунига етди. Ушбу дастурда аёллар ўртасида яна бир Токио-2020 лицензиати Малика Ҳакимова барча рақибларига ҳеч қандай имконият қолдирмаган бўлса, Файзулло Алимов эркаклар ўртасида биринчиликни ҳеч кимга бермади. Батафасил:

Қиличбозлик бўйича Ўзбекистон чемпионати
Шпага, эркаклар
1. Файзулло Алимов (Тошкент)
2. Роман Александров (МҲСК)
3. Авезбек Наимов (Бухоро)
3. Жавоҳирбек Нурматов (Андижон)

Шпага, аёллар:
1. Малика Ҳакимова (Тошкент)
2. Вероника Рожкова (Тошкент)
3. Азиза Ҳамидова (Бухоро)
3. Дилназ Муртазаева (Қорақалпоғистон)

Дастурга кўра, бугун спортчилар шпага бўйича жамоавий йўналишда ғолиблик учун баҳс олиб боришади.