President's Cup. Сергей Фомин ғалаба билан бошлади

Мусобақада Ўзбекистоннинг биринчи ва иккинчи ракеткаларининг ҳам иштирок этаётгани ҳақида хабар берган эдик. Иккинчи ракеткамиз Ҳумоюн Султонов турнирга захира ўйинчиси сифатида қўшилган ва 1/16 финалда италиялик Александр Биндани 6/3, 6/2 ҳисобида мағлубиятга учратганди.

Биринчи ракеткамиз Сергей Фомин ҳам Астана турниридаги иштирокини ғалаба билан бошлаб олди. Турнирда учинчи рақам остида таснифланган ҳамюртимиз 1/16 финалда россиялик Максим Жуков мағлубиятга учратди. Биринчи сет 7/5 ҳисобида Фомин фойдасига ҳал бўлди. Иккинчи сетни 1/4 ҳисобида бой бераётган Жуков баҳсни давом эттира олмаслигини маълум қилди.  

Таққослаш учун, Султонов ATP рейтингида 305, Жуков 531-ўринни банд этган. Етмиш дақиқа давом этган учрашувда Сергей 7, Максим 1 та эйс зарбасини амалга оширди. Қўшхатолар рус теннисчисида кўпроқ бўлди - 3 га 2. Бу теннисчларнинг ўзаро ўтказган олтинчи учрашуви бўлди - 3:3. Фомин кечаги ғалабаси эвазига мувозанатни тиклади. Сергей эртага 1/8 финалда таиландлик Касидит Самрежга қарши кортга чиқади.