Проф боксчилар ҳам Олимпиадада қатнашади, фақат битта шарт билан

AIBA Конгресси доирасида бир қатор муҳим масалалар ҳам кўриб чиқилди. Улардан бири профессионал боксчиларнинг ҳам Олимпиадада иштирок этиши бўлди. Фақат битта шарти билан проф боксчилар олимпия ўйинларида қатнашишлари мумкин.

Яъни, боксчи Олимпиаданинг саралаш баҳслари бошлангунига қадар профессионал рингда 15тадан кўп жанг ўтказмаган бўлиши шарт. Айнан шу талаб бажарилган ҳолатда профессионал боксчилар ҳам Олимпиадада қатнашишлари мумкин бўлади. 

Маълумот учун, бугунги кунда профессионал фаолиятини олиб бораётган Шаҳрам Ғиёсов (5та жанг), Муроджон Аҳмадалиев (4та), Баҳодир Жалолов (3та), Элнур Абдураимов (2та) каби чарм қўлқоп усталаримизда Токио-2020 Олимпиадасида иштирок этиш имконияти мавжуд. 

Камолиддин АЛИМОВ, Москва, Россия Федерацияси