Пуна. Хабибулинада ғалаба, Нигина Абдураимова эса...

Нигина яккалик мусобақасини саралаш босқичидан бошлади. У илк даврада Британия, кейин эса Қирғизистон вакиласини мағлубиятга учратди ва асосий даврага йўл олди.
Асосий тўрнинг биринчи босқичида у латвиялик Диана Марчинкевичага қарши кортга чиқди. 54 дақиқа давом этган ўйинда теннисчимиз афсуски 2:6, 1:6 ҳисобларида мағлуб бўлди. Жуфтлик баҳсларида россиялик Анна Моргина билан бирга кортга чиққан Нигина илк даврада Лейкина (Россия)/Марчинкевича (Латвия) тандемига қарши баҳсда 0:6, 7:5, 8:10 ҳисобларида мағлуб бўлди.

Жуфтлик баҳсларида иштирок этаётган бошқа бир ҳамюртимиз Албина Хабибулина мусобақада грузиялик Мариам Болквадзе билан ҳамкорликда чиқиш қилди. Улар илк даврада Снеал (Ҳиндистон)/Приянка (Малайзия) жуфтлигига қарши ўйин ўтказиб, 6:1, 7:5 ҳисобларида ғалаба қозонишди.