09 фев 09:12
Янгиликлар

Олимпия ўйинлари, Қишки спорт турлари

Пхенчхан-2018. АҚШ байроқдорини танга ташлаш орқали аниқлашди

Пхенчхан-2018 Олимпиадасининг тантанали очилиш маросимида АҚШ байроқдори ким бўлишини антиқа йўл билан аниқлашди.

Унга кўра, бахтли ва шу билан бирга омадли инсонни танга ташлаш ёрдамида аниқлашди. Аввалига бу вазифани бажаришга 8 нафар спортчи даъвогарлик қилаётганди. Овоз бериш жараёнида Эрин Хэмлин ва Шани Дэвис бир хилда овозга эга бўлишди.

Натижада ғолибани танга ташлаш орқали аниқлашга тўғри келди. Бунда омад чана спорт тури вакиласи бўлган Хэмлинга кулиб боқди. Энди айнан у Олимпиада стадионига АҚШ байроғини кўтариб чиқади. Дэвис конькида югуриш спорт турида икки карра Олимпиада чемпиони ҳисобланади.