13 фев 07:46
Янгиликлар

Олимпия ўйинлари, Қишки спорт турлари

Пхёнчхан-2018. Россия иккинчи медалини қўлга киритди

Пхёнчханда давом этаётган Қишки олимпия ўйинларининг навбатдаги куни Россия терма жамоасига иккинчи медални тақдим этди.

Халқаро олимпия қўмитаси байроғи остида мусобақаларда иштирок этаётган россияликлар бу сафар керлинг баҳсларида медалга эга чиқишди. Анастасия Бризгалова ва Александр Крушельницкий дабл-микст, яъни аралаш жуфтлик баҳсларида бронза медалини қўлга киритди.

Эътиборлиси, бу Россия терма жамоасининг керлинг мусобақасида қўлга киритган илк Олимпиада медали бўлди. Анастасия ва Александр бронза медали учун кечган учрашувда Норвегия терма жамоасидан 8:4 ҳисобида устун келишди.