12 сен 13:07
Янгиликлар
Бокс/ММА
Пётр Ян Мераб Двалишвилига суғурта қилдириб қўйишни маслаҳат берди
UFC`нинг енгил вазн тоифасидаги чемпиони Пётр Ян рақиби Мераб Двалишвилига мурожаат қилиб, деярли ҳар бир жангда "зарба ейдиган" бурнини суғурта қилдириб қўйишни таклиф этди.
"Мераб, жангдан олдин яхшилаб суғурта қилдириб қўйишинг керак, чунки мен сенинг бурнингни синдириб қўйишимга тўғри келади", — дея россиялик жангчининг сўзларини келтиради UFC Eurasia.
Ян ва Двалишвили ўртасидаги учинчи жанг 24 октябрь куни Абу-Даби шаҳрида бўлиб ўтадиган UFC 333 турнирининг иккинчи асосий воқеаси мақомига эга. Аввалроқ жангчилар икки марта октагонда тўқнаш келишган ва беш раундлик қарама-қаршиликларда биттадан ғалабага эришишган. 2023 йил март ойида Мераб Двалишвили ҳакамларнинг якдил қарори билан Пётр Яндан устун келган бўлса, ўтган йилнинг декабрь ойида россиялик жангчи ишончли реванш олиб, ҳакамларнинг якдил қарори билан ғалаба қозонди ва ундан UFC`нинг енгил вазн тоифасидаги чемпионлик камарини тортиб олди.
Ҳавола :
Манба : fighttime
Фикрлар