16 июл 08:24
Янгиликлар

Бокс/ММА

Пётр Ян самолёт бортида чемпионлик камари билан + ФОТО

Энг енгил вазн тоифасида UFCнинг янги чемпиони Пётр Ян "Инстаграм"даги саҳифасига сурат жойлади.

Россиялик чемпион буюртма қилинган шахсий самолётда UFC чемпионлик камарини қучоқлаб ётган суратини ижтимоий тармоққа юклаган.

"Бу камар йўлида катта ҳажмдаги иш бажарилди. Энди шу камарга муносиб эканимни ҳар бир жангда исботлашим керак бўлади. Олдинда мени саргузаштлар кутмоқда. Мени қўллаб-қувватлаган барчага раҳмат!", — дея сурат остида изоҳ қолдирган Ян.

Эслатиб ўтамиз, Пётр Ян якшанба куни Абу-Дабидаги "Жанглар ороли"да ўтган UFC 251 турнирида собиқ чемпион, бразилиялик Жозе Альдони муддатидан аввал мағлубиятга учратиб, камар соҳибига айланган эди.