04 мар 11:02
Янгиликлар

Дзюдо

Қаршида "Очиқ эшиклар куни" ўтказилди ФОТОРЕПОРТАЖ

Қарши шаҳридаги вилоят яккакураш спорт турларига ихтисослаштирилган болалар-ўсмирлар спорт мактабида вилоят жисмоний тарбия ва спорт бошқармаси, вилоят дзюдо федерацияси ҳамда Ўзбекистон Миллий олимпия қўмитасининг вилоятдаги вакиллари ҳамкорлигида спортнинг дзюдо тури бўйича "Очиқ эшиклар куни" ташкил этилди.

Мазкур тадбирдан кўзланган мақсад вилоятда дзюдони янада оммалаштириш, мазкур спорт билан шуғулланаётган иқтидорли спортчиларни назоратдан ўтказиш, тренерлар ва ҳакамлар малакасини ошириш, бу борада тизимли ишларни йўлга қўйишдан иборат.

"Очиқ эшиклар куни"да барча шаҳар ва туманлардан 300 нафардан зиёд спортчилар, мураббийлар ва дзюдога қизиқувчи ёшлар иштирок этди.

Дарвоқе, ушбу маросим бошланишидан олдин вилоят дзюдо федерацияси раҳбарияти мураббийлар билан йиғилиш ўтказди. Мажлис якунида вилоят бош мураббийи этиб Улуғбек Паттаев тайинланди. Эркаклар терма жамоасига Баҳодир Ҳожиев, ёшларга Аббос Мардонов, ўсмирларга Ғолиб Чориев, кичик ёшдаги ўсмирларга эса Мероншоҳ Тоштемиров мураббий сифатида фаолият юритади.