Қаршида “Олимпия чўққилари” мусобақаси бўлиб ўтмоқда + ФОТО

Мусобақада республикамиздаги олимпия захиралари коллежларида тарбияланаётган, 2004-2005 ҳамда 2006  йилларда туғилган 140 нафар ўғил болалардан иборат ёш дзюдо усталари иштирок этишмоқда.

"Олимпия чўққилари"дан жой олган мазкур чемпионатнинг регламентига мувофиқ, кеча мусобақанинг илк куни -42, -46, -50, -55 ва -60 кг. вазн тоифаларида ғолиблар номи аниқланди. 

Унга кўра -42 кг. да Ҳасан Бойназаров (Тошкент в.), -46 кг.да Мақсуд Наимов (Жиззах), -50 кг. да Арслонбек Қўчқоров (Самарқанд), -55 кг. да Абдулла Ахадуллаев (Тошкент ш), -60 кг. Айитбаев Асадбек (Тошкент в.)лар "Олимпия чўқиллари" чемпионига айланишди. 

Кеча шунингдек, мусобақанинг тантанали очилиш маросими ҳам ташкил этилди. Мазкур маросимида Қашқадарё вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Рустам Юлдошев, вилоят жисмоний тарбия ва спорт бошқармаси бошлиғи Комил Холматовлар иштирок этишди. 

Маълумот учун, бугун -66, -73, -81, -90 ҳамда +90 кг. вазн тоифаларида кучлилар сараланади.

Илҳом РАҲМОНОВ Қарши шаҳридан тайёрлади