26 мар 16:29
Янгиликлар

Волейбол

Қаршида волейбол бўйича "Олимпия чўққилари" мусобақаси ғолиблари аниқланди

23-25 март кунлари Қарши олимпия захиралари коллежида 2004-2005 ҳамда 2006 йилларда туғилган ва олимпия захиралари коллежларида таҳсил олаётган ўғил болалар ва қизлар ўртасида волейбол бўйича “Олимпия чўққилари” Ўзбекистон чемпионати бўлиб ўтди.

Мусобақада Қорақалпоғистон Республикаси, Андижон, Фарғона, Наманган, Сирдарё, Навоий, Қашқадарё вилоятларидан ташриф буюрган ўғил болалардан иборат 7 та жамоа беллашишган бўлишса, қизлар ўртасида 4та жамоа (Андижон, Наманган, Сирдарё, Хоразм) ғолиблик учун иштирок этишди.

"Олимпия чўққилари"дан жой олган мазкур чемпионатнинг якуний натижаларига кўра, ўғил болалар ўртасида Навоий вилояти жамоаси барча рақибларидан устун келиб, фахрли биринчи ўринни эгаллади. Иккинчи ўринни Сирдарё жамоаси қўлга киритган бўлса, учинчи ўрин мезбонларга насиб этди.

Қизлар ўртасида ўтган беллашувларда андижонлик спортчи-ўқувчилар олтин медал соҳибаларига айланишган бўлишса, кумуш медалга хоразмлик қизлар эга чиқишди. Учинчи ўрин ва бронза медалларни Наманган жамоаси қўлга киритишга муваффақ бўлишди.

Илҳом РАҲМОНОВ тайёрлади