Қатар "Мастерс". Бугун Шарофиддин, Диёрбек ва Сардорга мухлислик қиламиз

Қатар пойтахти уч кун давомида мавсумнинг илк мусобақасига мезбонлик қилади. Қатар "Мастерс" турнири нуфузи жиҳатидан жаҳон чемпионатидан сўнг эътироф этилиши боис, мусобақага бўлган қизиқиш жуда ҳам юқори. Ҳар бир вазн тоифасида дунёнинг кучли дзюдочилари мусобақа медаллари ҳамда Токио Олимпиадаси йўлидаги муҳим рейтинг очколари учун татамига чиқади. 

Бугун татамига чиқувчи дзюдочиларимиз:

-60 кг вазн тоифаси (33 иштирокчи)

Иккинчи босқич: Диёрбек Ўразбоев - Ленин Пресиадо (Эквадор)  

Иккинчи босқич: Шарофиддин Лутфуллаев - Ислам Яшуев (Россия)/Дэвид Пулкрабек (Чехия)

-66 кг вазн тоифаси (30 иштирокчи)

Биринчи босқич: Сардор Нуриллаев - Виллиан Лима (Бразилия)

Маълумот учун, Қатар "Мастерс" турнири ғолиби олтин медаль, пул мукофоти билан бирга қимматли 1800 рейтинг очкосини ҳам қўлга киритади. Таққослаш учун, Жаҳон чемпионатида чемпионга 2000 рейтинг очко берилади. "Мастерс"да кумуш медаль соҳиби 1260, бронза медали эгалари 900 рейтинг очкосини ўз ҳисобларига қўшиб қўйишади. Кучли бешликдан жой олган дзюдочилар 648, 7-ўринни банд этганлар эса 468 очкога эга бўлишади.