02 сен 18:13
Янгиликлар

Теннис

Қаторасига учинчи йил ҳам амалдаги US Open чемпиони иштирокини якунига етказа олмади

Хабар берганимиздек, Нью-Йорк шаҳрида давом этаётган "Катта Дубулға" туркумига кирувчи АҚШ Очиқ чемпионатининг эркаклар ўртасидаги баҳсларида амалдаги чемпион Новак Жокович ўз иштирокини тўхтатган эди.

Сербиялик теннисчи US Open турнирининг тўртинчи даврасида швейцариялик Стэн Вавринкага қарши кортга чиққан ва ҳисоб 4:6, 5:7, 1:2 кўринишида рақиб фойдасига ҳал бўлаётган ўйинни давом эттира олмаслигини маълум қилганди.

Шу тариқа, қаторасига учинчи йил ҳам амалдаги чемпион мусобақани муддатидан аввал тарк этишга мажбур бўлди. 2017 йилда Стэн Вавринка, ўтган йили эса Рафаэль Надаль ўз чемпионлигини ҳимоя қила олмаган эди.