09 окт 13:50
Янгиликлар

Футбол

"Қайрат" Чемпионлар Лигасидаги иккита мағлубиятдан қанча ишлаб олди?

Олмаотанинг "Қайрат" жамоаси Чемпионлар Лигаси гуруҳ босқичининг дастлабки икки турида мағлубият аламини тотиб кўрди, қозоғистонликларни ранжитган жамоалардан бир "Реал" бўлди.

Икки ўйинда мағлубиятга учраган бўлса ҳам, клуб турнирда қатнашиш орқали катта даромад олди.

УEФА регламентига кўра, гуруҳ босқичига чиқишнинг ўзи клубга 15,64 миллион евро даромад келтиради. Бонуслар ҳам ҳисобга олинади: жамоа ҳар бир ғалаба учун 2,1 миллион евро, дуранг учун эса 700 минг евро олади.

Шундай экан, икки турдан кейин "Қайрат" камида 20,25 миллион евро ишлаб топди – бу сумма асосий бонус ва ўйинларда қатнашиш учун қўшимча тўловлардан иборат.

Майдонда эса вазият ҳамон чатоқ: олмаоталиклар биринчи турда Лиссабоннинг "Спортинг"ига меҳмонда (1:4), иккинчи ўйинда Олмаотада "Реал"га (0:5) имкониятни бой берди.