Қиличбозларимиз Новосибирскда йиғин ўтказмоқдалар

Ушбу йиғинда умумий ҳисобда 12 нафар спортчимиз иштирок этмоқда. Улардан 7 нафари ўсмирлар, 5 нафари қиз болалардир. Йиғин Тайландда бўлиб ўтиши кутилаётган кадетлар ва ўсмирлар ўртасидаги Осиё чемпионатига (22 февраль - 5 март) тайёргарлик вазифасини бажаради. Бундан ташқари вакилларимиз Болгарияда бўладиган жаҳон чемпионати (1-10 апрель) ва 2018 йилда Аргентинада бўлиб ўтадиган ўсмирлар Олимпиадасида ҳам иштирок этишлари кутилмоқда.



(Суратда: (чапдан ўнгга) Душанбоев Жалолиддин, Расулов Бобир, Лимарев Иван (Нанкин Олимпиадаси ғолиби), Олимжонов Бекзод, Бахтиёров Абдулазиз)

Маълумот учун, Новосибирскдаги "Қиличбозлар тайёрлаш спорт маркази" тарбияланувчилари 2016 йил давомида турли халқаро совринларда 248 та медални қўлга киритдилар. Улар ичида Риода бўлиб ўтган Олимпия ўйинлари ғолиби Гаврилова Юлияни ҳам кўрсатишимиз мумкин.

Айни пайтда Ўзбекистон терма жамоаси спортчилари кунига икки маҳалдан машғулотлар ўтказишмоқда. Ушбу машғулотлар "Спартак" стадионида ва Станислав Поздняков номидаги марказда бўлиб ўтмоқда.

Тайёргарликлар давомида спортчиларнинг маҳоратини ошириш ва тикланиш машқлари (бассейн, сауна) ўтказилмоқда.

Шунингдек, Новосибирск жамоалари билан учрашувлар ҳам ўтказилмоқда

Суратда: Носиров Нурали (сабля бўйича Ўзбекистон терма жамоаси катта мураббийи), Борис Писецкий (Новосибирск вилояти катта мураббийи, 4 карра жаҳон чемпиони), Носиров Шерали (Қиличбозлик бўйича Ўзбекистон терма жамоаси менежери).

Қиличбозларда бир гап бор: "Қиличбозни оёқлари боқади". Конькидаги машқлар оёқларни мустаҳкамлаш ва мувозанатни ушлаб туришда жуда муҳим роль ўйнайди.

Машғулот жараёни