Қиличбозлик бўйича ўсмирлар ўртасидаги Республика чемпионати старт олди

2-7 февраль кунлари Тошкентда бўлиб ўтадиган мусобақанинг биринчи куни қилич (сабля) йўналишида бўлиб, унда 2001 йил ва ундан кейин таваллуд топган ўсмир қиличбозларимиз иштирок этдилар.

Қизлар ўртасида бўлиб ўтган мусобақада Зайнаб Дайибекова барча рақибларини мағлубиятга учратган ҳолда ғолибликни қўлга киритди. Қорақалпоқ қизи финалда пойтахтлик Севинч Исмоиловани мағлубиятга учратди. Мусобақанинг бронза медаллари Шаҳноза Тоғаймуродова (Тошкент) ва Сайёра Мирзиёдовага (Тошкент вилояти) насиб этди.

Эркаклар ўртасида бўлиб ўтган мусобақада Бобир Расулов (Тошкент) бош совринга эга чиқди. У финалда Тошкент вилоятидан ташриф буюрган Жалолиддин Душанбоев устидан ғалаба қозонди. Турнирнинг бронза медаллари Шерзод Мамутов (Қорақалпоғистон) ва Абдулазиз Бахтиёровга (Тошкент в.) насиб этди.

Чирчиқ шаҳри олимпия захиралари коллежида 2015 йил очилган қиличбозлик синфини қисқа вақт ичида ўз махсулини бераётганини, юқоридаги натижалар орқали кўришимиз мумкин.

Қизлар ва ўғил болалар ўртасида кечган мусобақаларда совриндорларга айланган

Энди мусобақанинг рапира ва шамшир йўналишлари бўйича ғолиб ва совриндорлар аниқланади.