Қиличбозлик. Осиё чемпионати. Терма жамоа менежерлари йиғилиши бўлиб ўтди

Шу муносабат билан бугун терма жамоа делегациялари менежерлари, раҳбарлари ва ҳакамлар йиғилиши бўлиб ўтди. Йиғилишда терма жамоалар таркиби, қатнашувчилар, ҳакамлар таркиби бўйича масалалар кўриб чиқилди.

Ушбу йиғилишда мамлакатимиз номидан Ўзбекистон қиличбозлик федерацияси бош котиби Нодира Алимова иштирок этди.

Таъкидлаб ўтиш лозимки, ушбу чемпионатда иштирокчилар сони ўтган турнирларга нисбатан кўпайган. Шунингдек, Ўзбекистон терма жамоаси ҳам илк маротаба Осиё чемпионатида 38 кишидан иборат делегация билан иштирок этмоқда.

Мусобақалар бўлиб ўтадиган "Терминал 21"да машғулотлар давом этмоқда

Йиғилишни Осиё қиличбозлик конфедерацияси президенти жаноб Келсо Дейрит олиб борди. Унга Тайланд қиличбозлик федерацияси президенти ва ташкилий қўмита вакиллари ҳамроҳлик қилишди.

Терма жамоамиз спортчилари бу сафарги турнирда муваффақиятли иштирок этишларига ишонамиз.