Қиличбозлик. Қозоғистонлик мураббий: "Биз учун Ўзбекистонда йиғин ўтказиш жуда қулай"

Биз меҳмон мураббийларидан бири Алибек Дауранбековнинг ушбу йиғин ҳақидаги фикрлари билан қизиқдик. 

"Ўзбекистонда барча шароитлар бор", - дея сўз бошлади қозоғистонлик мураббий.

"Машғулотлар ўтказиш учун мўлжалланган йўлаклар жаҳон стандартларига тўғри келади. Бундай йўлаклардан Осиё ва жаҳон чемпионатларда фойдаланади. Бизда эса фақатгина Остонада бундай имкониятлар мавжуд. 

Масалан, биз у ерда бунча маблағга 5 кун йиғин ўтказа оламиз. Бу ерда эса ушбу суммага 10-15 кунлаб машғулотлар ўтказа оламиз. Энг аввало, бу биз учун арзон тушади. Иккинчидан, шароитлар ҳам ажойиб. Шунингдек, бу ерда бизга Олимпиада чемпиони ҳам ўз маслаҳатларини бериши мумкин. Россияга борадиган бўлсак у ердаги чемпионлар бунинг учун ҳам пул сўрашади. Бу ерда эса... Биз Ўзбекистон билан узоқ йиллик дўстлармиз. Бундай маслаҳатлар биз учун бепул. Шу тариқа, биз бир-биримизга ёрдам берамиз. 

Бу ерга 10 февраль куни келгандик. 20 февраль куни жўнаб кетамиз. 21-да эса Қозоғистондан Тайландга, Осиё чемпионатида иштирок этиш учун жўнаб кетамиз. 

Аввалига, Осиё чемпионатида, апрель ойида эса жаҳон чемпионатида иштирок этамиз. У ерда албатта Ўзбекистон терма жамоаси ҳам қатнашади. Баҳорда сизнинг спортчилар бизнинг мамлакатда йиғин ўтказадилар. 

Айни пайтда машғулотлар давом этмоқда. Ўзбек ва қозоқ спортчилари бир-бирларига спарринг рақиб вазифасини бажармоқдалар. Шунингдек, мураббийлар ҳам ўзаро тажриба алмашмоқдамиз. 

Шанба куни бўлиб ўтадиган турнирда қатнашамиз. Ўзбекистон қиличбозлик федерацияси биз учун турнир ташкиллаштиришни режалаштирмоқда. У ерда ёш спортчиларимиз учун дипломлар, медаллар ва турли совғалар тақдим этилиши кутилмоқда. Қизиқ бўлади деб ўйлайман", - дейди рапира бўйича қозоғистонлик спортчиларнинг катта мураббийи Алибек Дауранбеков.