Қирғизистонлик яна бир жангчи UFC чемпионига айланиш ниятида

Ушбу турнирнинг марказий жангида бразилиялик Рафаэль дос Аньосга қарши октагонга чиқувчи Рафаэль Физиев жанг олдидан фикрлари билан ўртоқлашди.

"Уни мағлуб этиш, чемпионлик кураши учун катта қадам бўларди, бунга ишончим комил. Бу жангдан сўнг яна бир марта ғалаба қозонсам, камар учун жангга яқинлашаман. Бу менинг орзуим", - деди Физиев.

Эслатиб ўтамиз, Рафаэль сўнгги бор ўтган йилнинг 5 декабрида, янги зеландиялик Брэд Ридделга қарши жанг қилган эди.

Аввалроқ, Конор Макгрегор Физиев ҳақида фикр билдирган эди, табиийки қирғиз ММА устаси буни жавобсиз қолдирмади.