Қирол Артур операциядан кейинги ҳолати ҳақида гапирди

"Жарроҳлик амалиётидан бир ҳафта ўтгач, оёқ оғриғи йўқолди. Энди бемалол юра оламан. Лекин машқ қила олмайдиган ҳолатда бўлиш мен учун жуда ғалати.

Бокс билан шуғулланишни бошлаганимдан бери кунлик жисмоний машқлар ҳаётимнинг бир қисмига айланиб қолган. Уларсиз нафақат ҳаётимни, балки ўзимни ҳам тасаввур қилиш мушкул. Аммо, мен бунга ечим топдим. Машқ қила олмас эканман, дам олишни бошлайман", — деб ёзади Бетербиев Инстаграм саҳифасида.

Эслатиб ўтамиз, Артур Бетербиев сўнгги жангида Жо Смитни нокаутга учратиб, WBO камарини қўлга киритганди. Ҳозир Бетербиевда WBC, IBF ва WBO чемпионлик камарлари бор.