17 июн 09:18
Янгиликлар

Дзюдо

Қизилсойда Осиё ва жаҳон чемпионатига тайёргарлик бошланди ФОТОРЕПОРТАЖ

Ўзбекистон ўсмирлар ҳамда ёшлар терма жамоаси олдинда турган икки нуфузли мусобақага тайёргарликнинг асосий босқичини бошлади.

Ёшларимиз 20-21 июль кунлари Таиланд пойтахти Бангкок шаҳрида ўтказиладиган Осиё чемпионатига тайёргарлик кўришяпти. Шунингдек, 10-13 август кунлари Эквадорнинг Гуаякиль шаҳри мезбонлик қиладиган ёшлар ўртасидаги жаҳон чемпионатида ҳам дзюдочиларимизнинг иштирок этиши режалаштирилган.

Айни пайтда Камол Муродов мураббийлигидаги дзюдочиларимиз Тошкент вилоятининг Красногорск шаҳарчаси яқинидаги тоғли Қизилсой ҳудудида ўқув-машғулот йиғинини ўтказишяпти. Ушбу машғулотлар бевосита Осиё ва жаҳон чемпионатига тайёргарлик вазифасини ўтаб беряпти.