Қоракўл тумани олимпия ва миллий спорт турлари бўйича давлат ихтисослаштирилган мактаб-интернатига ҳужжатлар қабул қилинмоқда

Жисмоний тарбия ва спорт вазирининг жорий йил 27 июлдаги тегишли буйруғи билан ушбу муассасага 2019/2020 ўқув йили учун қабул режаси тасдиқланди.

Буйруққа асосан, Қоракўл тумани олимпия ва миллий спорт турлари бўйича давлат ихтисослаштирилган мактаб-интернатига 2019/2020 ўқув йили учун қуйидаги йўналишлар бўйича ҳужжатлар қабул қилинмоқда:

Муассасага ҳужжатлар 2019 йил 20 июлдан 10 августгача (шу куни ҳам) қабул қилинади ҳамда кириш имтиҳонлари 15-22 август кунлари ўтказилади.

Ҳукумат қарорига асосан мактаб-интернатнинг асосий вазифалари этиб қуйидагилар белгиланган:

олимпия ва миллий спорт турлари бўйича янги илмий-методик тавсиялар ва ютуқлар асосида спорт захираларини, терма жамоаларга юқори маҳоратли спортчиларни тайёрлаш;

давлат таълим стандартлари, ўқув режа ва дастурлари талаблари асосида ўқувчиларнинг таълим тайёргарлигини таъминлаш;

зарур ҳолларда олимпия спорт турлари бўйича хорижий тренерлар ва мутахассисларни таклиф қилган ҳолда илғор илмий-методик тавсиялар асосида ёш спортчиларни тайёрлаш борасида ўқув-машқ жараёнларини юқори даражада ташкил этиш;

ўқувчиларнинг жисмоний тайёргарлиги ва техник-тактик кўникмаларини такомиллаштириш, профессионал фазилатларини ривожлантириш, шунингдек спортни ривожлантириш халқаро талабларига мувофиқ ҳолда Ўзбекистон миллий терма жамоалари захирасини тайёрлаш даражасини ошириш;

ўқувчи-спортчилар ва тренерлар таркибининг профессионал маҳоратини ошириш учун хорижий спорт мактаблари ва клублари билан тажриба алмашиш бўйича ҳамкорликни кенгайтириш.

Жисмоний тарбия ва спорт вазирлиги Матбуот хизмати