Қойил! Фирдавс Ҳасанов Беларусда бир кунда иккита жанг ўтказди

Мусобақа доирасида ярименгил вазн тоифасидаги ўзбекистонлик аралаш яккакураш устаси Фирдавс Ҳасанов ҳам октагонга кўтарилди.

Аҳамиятлиси, Ҳасанов турнир доирасида иккита жанг ўтказиб, ҳар иккисида ҳам зафар қучди. Дастлабки жанг нокаут билан, иккинчисини эса сабмишен усулида муддатидан аввал якунига етказди. У иккинчи жангида Беларусь вакили Никита Рачковдан устун келди.

"Мақсад сари яна бир қадам олдинга қўйдик, Алҳамдулиллаҳ. Узоқ вақт, оғир меҳнат ва сабр... Бир кун келиб, бу  ўз самарасини беради. Муҳими ишонч! Хейтерлар эса хейтерлигича ўз жойида қолаверади!", дея ғалабасига муносабат билдирган юртдошимиз.

Шу тариқа, 31 ёшли Фирдавс Ҳасановнинг рекорди 12-5-0 кўринишига келди. Ҳсанов бир неча йилдан буён Америка Қўшма Штатларида истиқомат қилиб, океан ортида машғулотларини олиб боради.