Қозоғистон бокс терма жамоаси мураббийи: «Сакен Бибосинов ҳозир синовли кунларни бошидан кечирмоқда»

-Мирзагали Куланович, сиз Сакен Бибосиновнинг шахсий мураббийи бўлганингизда у жаҳон чемпиони бўлди ва Токио Олимпиадасида бронза медалини қўлга киритди. Сакеннинг натижалари пасайишини қандай изоҳлаш мумкин?

- Буларнинг барчаси ҳар бир инсоннинг йўлида тўсқинлик қиладиган қийинчиликлар. Сапиев мисолида буни кўришимиз мумкин. Сакен ҳозир ҳам худди шундай синовли кунларни бошидан кечирмоқда. Бу қийинчиликларни енгиб ўтиш учун астойдил меҳнат қилганларни олдинда катта ғалабалар кутиб турибди. Барча боксчиларга эътибор қаратишга вақтимиз бор. Мураббий сифатида жамоамиз ва мухлисларимиз ҳамжиҳат бўлишини истайман. Мухлислар спортчилардан бирини ажратиб кўрсатишни ва бошқаларни унутишни бошлаганларида, жамоада келишмовчилик бошланади.