Қозоғистон терма жамоаси дзюдочилари уй шароитида шуғулланяпти

Айни пайтда қозоғистонлик дзюдочилар уй шароитида индивидуал тарзда машғулотларни давом эттиришяпти. Қозоғистон эркаклар терма жамоаси бош мураббийи Айдин Смагуловнинг айтишича, спортчилар мураббий ва шифокорлар томонидан жиддий назоратга олинган.

"Ҳозир дзюдочилар ўз уйларида, оила аъзолари даврасида. Ҳар куни терма жамоамиз шифокори спортчиларнинг ҳолатини назоратдан ўтказади. Кунлик тана ҳарорати ўлчаб борилади. Ҳар бир спортчининг шахсий мураббийлари жараёнга масъул қилиб қўйилган. Шифокоримизга раҳмат, катта ҳажмдаги ишни бажаряпти. Машғулотлар барча хавфсизлик меъёрларига амал қилган ҳолда уй шароитида давом эттириляпти", - деди Смагулов.