Қозоғистон терма жамоаси мураббийи профессионалларнинг ҳаваскор боксга қайтишини Ўзбекистон мисолида тушунтирди

Бокс бўйича Қозоғистон терма жамоаси бош мураббийи Кайрат Сатжанов ҳаваскор ва профессионал боксни солиштирди.

– Ўзбекистонда Ҳасанбой Дўсматов мисолида кўриб турибмизки, жамоада профессионаллар ҳам бор. Бунга қандай муносабатдасиз - ижобий ёки салбий?

- Айрим экспертларнинг айтишича, булар умуман бошқа спорт турлари - бокс ва кикбоксинг каби. Ўтган жаҳон чемпионати мисолида... Бек Нурмаганбет яхши боксчи, Осиё чемпиони. Аммо вақт етарли бўлмагани учун биринчи жангда мағлуб бўлди. Агар вақт кўпроқ бўлса, эҳтимол яхшироқ тайёрланиши мумкин эди. Профессионал боксда эса – олти, саккиз, ўн, ўн икки раунд... У ерда секин-аста ҳужумга ҳозирлик кўрилади, кучларини сўнгги раундларга сақлаб қолишади. Ва ҳаваскор боксда уч раунд, бу ерда тезроқ ўйлаш, тезроқ ишлаш керак. Шунинг учун мен ҳаваскор бокс ва профессионал бокс турли спорт турларига ўхшайди, деб ўйлайман. Ҳасанбой Дўсматов мисолида - Жаҳон чемпионатини кўрдингиз, у ерда биз биринчи жангда ғалаба қозондик. Энди у кўпроқ машғулот ўтказмоқда ва аста-секин ўзининг аввалги спорт формасига эга бўлмоқда. Мен уни Болгарияда кўрдим - у аллақачон кучайган", - деди қозоғистонлик мураббий.