14 май 08:25
Янгиликлар

Бокс/ММА

Қозоғистон ва Ўзбекистон бокс бўйича Жаҳон Кубогига биргаликда тайёргарлик кўрмоқда

Бокс бўйича Ўзбекистон ва Қозоғистон терма жамоалари тоғли Янгиобод шаҳарчасида қўшма ўқув-машғулот йиғинини бошлади.

Бу ҳақда Қозоғистон бокс федерацияси матбуот хизмати хабар бермоқда.

Федерациянинг Инстаграмдаги саҳифасида қўшма ўқув-машғулотлари олдидан жамоаларнинг сафланишидан видео эълон қилинди. Кадрларда бош мураббий Нуржан Насанов ва Қозоғистон терма жамоаси етакчилари - ака-ука Айбек ва Нурбек Оралбай, Санжар Ташкенбай, Маҳмуд Сабирхан ва бошқа боксчиларни кўриш мумкин.

"Жаҳон Кубоги олдидан қўшма умумий жисмоний тайёргарлик йиғини", - дейилади хабарда.

Маълумот учун, бокс бўйича Жаҳон Кубогининг иккинчи босқичи Хитойнинг Гуян шаҳрида (Гуйчжоу провинцияси) бўлиб ўтади. World Boxing федерацияси ҳомийлигидаги турнир 15-21 июнь кунлари ўтказилади.