Қозоғистон ва Қирғизистон қиличбозлари Тошкентда йиғин ўтказмоқдалар

Хабарингиз бор, 2015 йилда мамлакатимизда қиличбозлик бўйича жаҳон чемпионати ўтказилган. Натижада, ушбу спорт тури базаси ҳам мақтагулик даражада бойиди. Бу эса ўз навбатида мамлакатимизга қўшни давлат спортчиларининг ҳам машғулотлар ўтказишлари учун энг маъқул вариантлардан бири сифатида ҳизмат қилмоқда.

Шу сабабдан ҳам айни пайтда юртимизда қозоғистонлик ва қирғизистонлик қиличбозлар ўқув-машғулот жараёнларини ўтказишмоқда.

Ушбу йиғин доирасида шу ҳафта Ўзбекистон, Қозоғистон ва Қирғизистон қиличбозлари ўртасида турнир ташкил қилинади. Турнир пойтахтимиздаги қиличбозлик марказида бўлиб ўтиши режалаштирилган.