15 ноя 17:33
Янгиликлар

Бокс/ММА

Қозоғистоннинг биринчи рақамли боксчилари Тошкентга келади

Бу ҳақда Қозоғистон бокс федерацияси бош котиби Мерей Акшалов хабар берди.

Унинг айтишича, Ҳиндистондаги World Boxing турнирига бормаган мамлакатнинг биринчи ва иккинчи рақамли боксчилари Ўзбекистонга келади.

"Эркаклар терма жамоамизнинг биринчи ва иккинчи рақамли боксчилари ноябрь ойининг учинчи ўн кунлигида Тошкентга йўл олишади ва у ерда халқаро ўқув-машғулот йиғинида иштирок этишади. Унда Ўзбекистон, Қозоғистон, Қирғиз Республикаси ва Таиланд терма жамоалари қўшма машғулот ўтказишади. Аёллар терма жамоамиз эса йил охиригача аввалдан белгиланган режа асосида ишлайди", — деди Акшалов.

Маълумот учун, 16-20 ноябрь кунлари Ҳиндистонда ўтказиладиган World Boxing Жаҳон Кубогининг якуний босқичида Қозоғистон терма жамоасининг иккинчи ва учинчи рақамли боксчилари рингга чиқади.