Қудратилло Абдуқаҳҳоров АҚШга етиб борди + ФОТО

Бу ҳақда чарм қўлқоп устамизнинг ўзи сайтимизга хабар берди. 

"Жараён кутилганидан ҳам тезлашиб кетди. Режа қилганимиздан эртароқ АҚШга жўнаб кетишга тўғри келиб қолди. Промоутер тезроқ етиб келишимни сўраган. Катта эҳтимол билан февраль ойида жанг ўтказаман. Ҳозирча рақиб ҳақида маълумотим йўқ. Тез орада бу бўйича янгилик бўлиб қолади. Эртага Америкадаги машғулотларни бошлайман. Мураббийим Илгар Алиев ҳозир Майамида ва эрта-индин у ҳам бу ерга келади ва машғулотларни бирга давом эттирамиз", - деди сайтимизга берган интервьюсида Абдуқаҳҳоров.

Эслатиб ўтамиз, ҳамюртимиз 2021 йилнинг 12 декабрь куни Канада вакили Коди Кроулига қарши рингга кўтарилганди. 10 раундга мўлжалланган баҳс тўлиқ давом этган. Жангнинг иккинчи раундида боксчимиз рақибини нокдаун қилишга эришганига қарамасдан, қолган раундларда канадалик анча яхши ҳаракат қилди ва очколар эвазига ғалаба қозонган эди.