Қудратилло Абдуқаҳҳоровнинг жанг санаси ўзгарди

Аввал хабар берганимиздек, ярим ўрта вазн тоифасидаги ушбу 12 раундлик камар учун жанг 10 октябрь куни АҚШнинг Коннектикут штатида ўтказилиши керак эди. "Sun Casino" аренаси мезбонлик қиладиган ҳамда "Showtime" телеканали орқали трансляция қилинадиган жанг ғолиби вақтинчалик IBF чемпионлик камарини қўлга киритади. 

Ҳамюртимизнинг АҚШ визасини ололмаётгани сабаб жанг икки ҳафта кейинроққа, аниқроғи 24 октябрга кўчирилади. Айни пайтда Қудратилло Тошкентда бўлиб турибди ва визани олиши билан океан ортига жўнаб кетади.  

Маълумот учун, Қудратилло Абдуқаҳҳоров шу кунгача проф боксда 17 та жанг ўтказиб, уларнинг барчасида ғалаба қозонган (9 та нокаут). Липинецнинг жанглари сони ҳам 17 тани ташкил этади. Фақат у 16 та жангда ғолиб бўлган (12 та нокаут). 1 та жангда эса ютқазиб қўйган.