10 июл 08:15
Янгиликлар

Бокс/ММА

Қудратилло ғалаба қозонган оқшомда Лебедев ҳам камарини ҳимоя қилди

Россиянинг Екатеринбург шаҳрида профессионал бокс кечаси бўлиб ўтди.

Оқшомнинг марказий жангида биринчи оғир вазн тоифасида WBA (Super) йўналиши чемпиони россиялик Денис Лебедев австралиялик Марк Флэнаганга қарши рингга кўтарилди.

Ўн икки раундга мўлжалланган чемпионлик жангида 37 ёшли Лебедев ўзидан 10 ёшга кичик бўлган рақибини 120-107, 119-108, 119-108 ҳисобида мағлуб этиб, камарини ҳимоя қилди.

Эслатиб ўтамиз, ушбу бокс оқшомининг ҳисоб бўйича иккинчи марказий жангида ҳамюртимиз Қудратилло Абдуқаҳҳоров рингга чиқди. Ярим ўрта вазн (66,7 кг) тоифасида WBC Silver чемпиони бўлган боксчимиз россиялик Дмитрий Михайленкони 117-110, 116-111, 116-114 ҳисобида енгди.