Қудратилло япониялик боксчи билан музокарага киришди

Энди 25 ёшли Абдуқаҳҳоров ва унинг жамоаси бошқа рақиб излаши керак. Ҳозирда Қудратиллонинг менежерлари япониялик 31 ёшли боксчи Кеита Обара билан музокарани бошлашди. Абдуқаҳҳоров IBF рейтингида 4-ўринни эгаллаб турибди, Обара эса 6-поғонадан жой олган.

Маълумот учун, ушбу жанг амалга ошса, у ҳолда ғолиб боксчи ярим ўрта вазн тоифасида IBF чемпиони Эррол Спенсга қарши рингга кўтарилиш ҳуқуқини қўлга киритади. Қудратилло Абдуқаҳҳоров (15-0, 9 KOs) профессионал боксдаги фаолияти давомида 15та жанг ўтказиб, уларнинг барчасида ғалаба қозонган. Тўққизта жангда рақибларини нокаутга учратган. 

Обара эса проф боксдаги 12 йиллик фаолияти давомида 24та жанг ўтказган бўлиб, уларнинг 20тасида ғалаба қозонган. Ўн саккизта жангда рақибларини нокаутга учратган. Учта жангда мағлубиятга учраган ва эътиборлиси барчасида нокаутни қабул қилиб олган. Битта жанг дуранг билан якунланган.